கடுமையான காற்று மற்றும் கொந்தளிப்பான கடல் பகுதிகள் குறித்த எச்சரிக்கை!

அவதானிப்பு திணைக்களத்தினால் எச்சரிக்கை நிவேதனம் ஒன்று விடுக்கப்பட்டுள்ளது.

இந்த அனர்த்த எச்சரிக்கையானது இன்று (04) முற்பகல் 10:30 மணி முதல் நாளை (05) முற்பகல் 10:30 மணி வரை செல்லுபடியாகும் என அறிவிக்கப்பட்டுள்ளது.

முல்லைத்தீவிலிருந்து கன்கசான்துறை, மன்னார், புத்தளம், கொழும்பு, காலி மற்றும் ஹம்பாந்தோட்டை ஊடாக பொத்துவில் வரையான கடலோரத்திற்கு அப்பாற்பட்ட கடல் பரப்புகளில் காற்றின் வேகமானது அவ்வப்போது மணித்தியாலத்திற்கு 50 முதல் 60 கிலோமீற்றர் (50-60 கி.மீ.) வரை அதிகரிக்கக்கூடும் என்பதுடன், அவ்வேளைகளில் இக்கடல் பகுதிகள் அவ்வப்போது மிகவும் கொந்தளிப்பாகக் காணப்படும்.

அத்துடன், மன்னாரிலிருந்து கொழும்பு, காலி மற்றும் ஹம்பாந்தோட்டை ஊடாக பொத்துவில் வரையான கடலோரத்திற்கு அப்பாற்பட்ட கடல் பரப்புகளில் கடல் அலைகளின் உயரமானது சுமார் 2 முதல் 3 மீற்றர் (2-3 மீ.) வரை உயர்வதற்கான சாத்தியக்கூறுகள் காணப்படுவதாகவும் வானிலை அவதானிப்பு திணைக்களம் மேலும் குறிப்பிட்டுள்ளது.