உணவுச் சட்டத்தின் சில கட்டளைகளை நடைமுறைப்படுத்துவது ஒத்திவைப்பு!

அமைச்சு நடவடிக்கை எடுத்துள்ளது.

உணவு ஆலோசனைக் குழுவிடம் வினவிய பின்னர், சுகாதார மற்றும் ஊடக அமைச்சர் டாக்டர் நலிந்த ஜயதிஸ்ஸ இந்த நடவடிக்கையை எடுத்துள்ளதாகத் தெரிவிக்கப்படுகிறது.

இதன்படி, 2023 பெப்ரவரி மாதம் 14ஆம் திகதியிட்ட விசேட வர்த்தமானி மூலம் அறிவிக்கப்பட்ட உணவுச் சட்டத்தின் சில கட்டளைகளை நடைமுறைப்படுத்துவது எதிர்வரும் ஜூலை மாதம் 01 ஆம் திகதி வரை ஒத்திவைக்கப்பட்டுள்ளது.

உணவுகளை லேபிளிடுதல் மற்றும் விளம்பரப்படுத்துதல் தொடர்பான கட்டளை, திரவ உணவுகளில் உள்ள சர்க்கரை அளவிற்காக வர்ணக் குறியீடுகளை இடும் கட்டளை, உணவுகளுக்காக உப்பை அயடீனாக்கும் கட்டளை மற்றும் டிரான்ஸ் கொழுப்பு (Trans fat) தொடர்பான கட்டளை ஆகியவற்றை நடைமுறைப்படுத்துவது ஜூலை 01ஆம் திகதி முதல் ஆரம்பமாகும் என சுகாதார மற்றும் ஊடக அமைச்சு குறிப்பிட்டுள்ளது.

முன்னதாக இக்கட்டளைகளை இந்த ஆண்டின் ஜனவரி 01ஆம் திகதி முதல் நடைமுறைப்படுத்த உத்தரவிடப்பட்டிருந்தமை குறிப்பிடத்தக்கது.