கொழும்பின் பல பகுதிகளில் இன்று நீர் வெட்டு: விபரங்கள் இதோ!

இன்று (03) நீர் விநியோகம் தடைப்படவுள்ளது.

தேசிய நீர் வழங்கல் மற்றும் வடிகாலமைப்புச் சபை விடுத்துள்ள அறிவிப்பின்படி விபரங்கள் வருமாறு:

பாதிக்கப்பட்ட பகுதிகள்:

கலடுவாவ மற்றும் லபுகம நீர்த்தேக்கங்களிலிருந்து நீர் விநியோகிக்கப்படும் பாதுக்க, ஹோமாகம, பெலன்வத்த மற்றும் பன்னிபிட்டிய உள்ளிட்ட பல பகுதிகளில் நீர் விநியோகம் நிறுத்தப்படவுள்ளது.

நீர் வெட்டு அமுலாகும் காலப்பகுதி:

• பாதுக்க: நேற்று (02) இரவு 8 மணி முதல் இன்று (03) இரவு 8 மணி வரை நீர் வெட்டு அமுலில் உள்ளது.

• ஹோமாகம: இன்று (03) இரவு 8 மணி முதல் நாளை (04) இரவு 8 மணி வரை (24 மணித்தியாலங்கள்) நீர் விநியோகம் நிறுத்தப்படும்.

• பெலன்வத்த: நாளை (04) இரவு 8 மணி முதல் மறுநாள் (ஏப்ரல் 05) இரவு 8 மணி வரை நீர் விநியோகம் தடைப்படும்.

சுழற்சி முறை நீர் விநியோகம்:

மேற்குறிப்பிட்ட பகுதிகளுக்கு மூன்று நாட்களுக்கு ஒருமுறை என்ற அடிப்படையில் இந்த நீர் வெட்டை அமுல்படுத்த நீர் வழங்கல் சபை தீர்மானித்துள்ளது. நீர் வெட்டு இல்லாத நாட்களில் தொடர்ச்சியான நீர் விநியோகம் வழங்கப்படும்.

அடுத்தக்கட்ட நீர் வெட்டு அட்டவணை:

• பாதுக்க: ஏப்ரல் 07 ஆம் திகதி

• ஹோமாகம: ஏப்ரல் 08 ஆம் திகதி

• பெலன்வத்த: ஏப்ரல் 09 ஆம் திகதி