முன்னாள் பாராளுமன்ற உறுப்பினர் சமன் ரத்னப்பிரியவின் மகனுடைய திருமண வைபவத்திலேயே இந்தச் சந்திப்பு இடம்பெற்றுள்ளது.
கொழும்பு சினமன் லேக் (Cinnamon Lake) நட்சத்திர ஹோட்டலில் நடைபெற்ற இந்த வைபவத்தில் ரணில் விக்ரமசிங்க, சஜித் பிரேமதாச ஆகியோருடன் தலதா அத்துகோரள, சாகல ரத்நாயக்க, ரங்க பண்டார, அகில விராஜ் காரியவசம், மனுஷ நாணயக்கார, வஜிர அபேவர்தன, மனோ கணேசன், திகாம்பரம், லக்ஷ்மன் பொன்சேகா மற்றும் ராஜித சேனாரத்ன போன்ற அரசியல்வாதிகள் பலரும் கலந்துகொண்டனர்.
சுமார் ஒரு மணிநேரம் வரை ரணில் மற்றும் சஜித் இருவரும் ஒரே மேசையில் அமர்ந்து கலந்துரையாடியதுடன், ஏனையவர்களும் தற்போதைய அரசியல் நிலைமைகள் மற்றும் எதிர்கால நடவடிக்கைகள் தொடர்பான விடயங்களை முன்வைத்து இந்தக் கலந்துரையாடலில் இணைந்துகொண்டனர்.
இதன்போது, முன்னாள் ஜனாதிபதி செயலாளர் சமன் ஏக்கநாயக்க விளக்கமறியலில் வைக்கப்பட்ட சம்பவம் தொடர்பில் ரணில் மற்றும் சஜித் ஆகிய இருவருக்கும் இடையில் நீண்ட நேரம் கலந்துரையாடப்பட்டதாக அறிய முடிகின்றது.
