வரை தொடர்ந்தும் விளக்கமறியலில் வைக்குமாறு திருகோணமலை நீதிவான் நீதிமன்றம் உத்தரவிட்டுள்ளது.
திருகோணமலை நகரின் கடற்கரை பாதுகாப்பு வலயத்திற்குள், அனுமதி இன்றி சிறிய கட்டிடம் ஒன்றை அமைத்து அதற்குள் புத்தர் சிலையை நிறுவியதாகக் கூறி, கடலோரப் பாதுகாப்பு மற்றும் கடலோர வளங்கள் மேலாண்மைத் திணைக்களம் புகார் அளித்திருந்தது. இந்த வழக்கின் அடிப்படையில் கைது செய்யப்பட்டு விளக்கமறியலில் வைக்கப்பட்டிருந்த பாலங்கொட கஸ்ஸப தேரர் உள்ளிட்ட சந்தேக நபர்கள் இன்று (பிப்ரவரி 02) நீதிமன்றத்தில் ஆஜர்படுத்தப்பட்டனர்.
இந்தச் சம்பவத்தில் தொடர்புடையதாகக் கருதப்படும் பின்வரும் துறவிகள் விளக்கமறியலில் வைக்கப்பட்டுள்ளனர்:
திருகோணமலை கோட்டை வீதியில் அமைந்துள்ள ஸ்ரீ சம்புத்த ஜெயந்தி போதிராஜ விகாரையின் விகாராதிபதி வணக்கத்திற்குரிய திருகோணமலை கல்யாணவம்ச திஸ்ஸ தேரர்.
வணக்கத்திற்குரிய பாலங்கொட கஸ்ஸப தேரர்.
வணக்கத்திற்குரிய திருகோணமலை சுகிதவம்ச திஸ்ஸ தேரர்.
வணக்கத்திற்குரிய நந்த தேரர்.
இவர்களுடன் சேர்த்து மேலும் 6 பொதுமக்கள் இந்த வழக்கில் சந்தேக நபர்களாகக் கருதப்பட்டு விளக்கமறியலில் நீடிக்கப்பட்டுள்ளனர்.
திருகோணமலையிலுள்ள விகாரையொன்றில் வைக்கப்பட்டிருந்த புத்தர் சிலையொன்றை அகற்றுவதற்கு முற்பட்டதையடுத்து, கடந்த ஆண்டு நவம்பர் மாதம் 16ஆம் திகதி அங்கு அமைதியற்ற சூழல் ஏற்பட்டிருந்தது.
எனினும், குறித்த கட்டுமானங்கள் அனுமதி இன்றி முன்னெடுக்கப்பட்டதாகக் கூறி, கடற்கரை பாதுகாப்புத் திணைக்களம் பொலிஸாரிடம் முறைப்பாடு செய்திருந்தது.
இந்த நிலையில், புத்தர் சிலையை அகற்ற முயற்சித்த போது, பிக்குகள் மற்றும் பிரதேச மக்களிடமிருந்து பொலிஸாருக்குக் கடும் எதிர்ப்புத் தெரிவிக்கப்பட்டது.
இச்சம்பவம் தொடர்பான வழக்கு திருகோணமலை நீதவான் நீதிமன்றில் இன்று (2) மீண்டும் விசாரணைக்கு எடுத்துக்கொள்ளப்பட்ட போது, சம்பந்தப்பட்ட தரப்பினர் நீதிமன்றில் முன்னிலைப்படுத்தப்பட்டனர்.
இதன்போது, குறித்த குழுவினரை எதிர்வரும் பெப்ரவரி மாதம் 9ஆம் திகதி வரை தொடர்ந்தும் விளக்கமறியலில் வைக்குமாறு நீதிமன்றம் உத்தரவிட்டுள்ளது.