பயணிகள் இனி 'LMT GO' என்ற மொபைல் செயலி ஊடாக நேரலையில் கண்காணித்து அறிந்துகொள்ள முடியும் என போக்குவரத்து பிரதி அமைச்சர் பிரசன்ன குணசேன தெரிவித்துள்ளார்.
இந்த புதிய தொழில்நுட்ப வசதியின் அறிமுகம் குறித்து கருத்து வெளியிட்ட குணசேன, இந்த ஜீ.பி.எஸ் (GPS) வசதி மூலம் பயணிகள் தங்களது பேருந்து நிறுத்தங்களுக்கு பேருந்துகள் எப்பொழுது வரும் என்பதைச் சரிபார்க்க முடியும் என்றும், தற்பொழுது சேவையில் ஈடுபட்டுள்ள பேருந்துகள் மற்றும் கட்டண விபரங்களைப் பார்வையிட முடியும் என்றும் குறிப்பிட்டுள்ளார்.
மேலும், தாங்கள் சென்றடைய வேண்டிய அடுத்தடுத்த இடங்களுக்கான மதிப்பிடப்பட்ட பயண நேரத்தையும் இதன் மூலம் உடனுக்குடன் தெரிந்துகொள்ள முடியும் என்றும் அவர் சுட்டிக்காட்டியுள்ளார்.
பொதுமக்களுக்கு மிகவும் திட்டமிட்ட, வசதியான மற்றும் நம்பகமான பயண அனுபவத்தை வழங்குவதை நோக்கமாகக் கொண்டே இந்த புதிய திட்டம் ஆரம்பிக்கப்பட்டுள்ளதாக பிரதி அமைச்சர் மேலும் தெரிவித்தார்.
அறிமுகப்படுத்தப்பட்டுள்ள இந்த புதிய சேவையைப் பயன்படுத்துவதற்கு, 'LMT GO' செயலியை (App) பதிவிறக்கம் (Download) செய்யுமாறு போக்குவரத்து பிரதி அமைச்சர் பிரசன்ன குணசேன பயணிகளிடம் கேட்டுக்கொண்டுள்ளார்.
