டொலர்கள் (25 இலட்சம் டொலர்கள்) மோசடியாளர்களின் கைக்குச் சென்ற சம்பவம் தொடர்பில், ஒரு மாத காலத்திற்குள் முழுமையான அறிக்கையைச் சமர்ப்பிக்குமாறு அரசாங்க நிதி பற்றிய பாராளுமன்றக் குழு (COPF) திறைசேரி செயலாளருக்கு உத்தரவிட்டுள்ளது.
அந்த அறிக்கை கிடைத்த பின்னரே உரிய நடவடிக்கைகள் எடுக்கப்படும் என நிதிக் குழுவின் தலைவர் கலாநிதி ஹர்ஷ டி சில்வா தெரிவித்தார்.
நிதியமைச்சின் கடன் செலுத்தும் பொறிமுறையில் (Debt Payment Process) பாரிய ஓட்டைகள் மற்றும் குறைபாடுகள் காணப்படுவதாக திறைசேரி செயலாளர் உள்ளிட்ட அதிகாரிகளிடம் நடத்தப்பட்ட விசாரணைகளின் போது தெரியவந்துள்ளதாக அவர் குறிப்பிட்டார்.
இந்த பாரிய இடைவெளிகளினூடாகவே திருடர்கள் உள்ளே நுழைந்து மோசடி செய்ய முடிந்துள்ளதாகவும் அவர் சுட்டிக்காட்டினார்.
ஆஸ்திரேலியாவிற்குச் செலுத்த வேண்டிய நிதி மோசடி செய்யப்பட்ட சம்பவம் தொடர்பாக திறைசேரி செயலாளர் ஹர்ஷண சூரியப்பெரும உள்ளிட்ட அதிகாரிகளை நேற்று பிற்பகல் அரசாங்க நிதி பற்றிய பாராளுமன்றக் குழுவிற்கு அழைத்து விசாரணை செய்த பின்னரே, கலாநிதி ஹர்ஷ டி சில்வா ஊடகங்களிடம் மேற்கண்டவாறு தெரிவித்தார்.