பொதுச்செயலாளர் அன்டோனியோ குட்டெரெஸ் தெரிவித்துள்ளார்.
ஈரான் மீது அமெரிக்காவும் இஸ்ரேலும் மேற்கொண்டுள்ள இராணுவ நடவடிக்கைகளும், அதற்குப் பதிலடியாக ஈரான் பிராந்தியம் முழுவதும் மேற்கொண்டுள்ள தாக்குதல்களும் சர்வதேச அமைதிக்கும் பாதுகாப்பிற்கும் பெரும் அச்சுறுத்தலாக அமைந்துள்ளன என்று அவர் தனது அறிக்கையில் குறிப்பிட்டுள்ளார்.
அவர் மேலும் வலியுறுத்தியுள்ள முக்கிய விடயங்கள் வருமாறு:
சர்வதேச சட்டங்களுக்கு மதிப்பளித்தல்:
ஐக்கிய நாடுகள் சாசனம் உள்ளிட்ட சர்வதேச சட்டங்களுக்கு அமைய, அனைத்து உறுப்பு நாடுகளும் தமது கடப்பாடுகளைச் சரியாக நிறைவேற்ற வேண்டும். எந்தவொரு நாட்டின் பிராந்திய ஒருமைப்பாடு அல்லது அரசியல் சுதந்திரத்திற்கு எதிராகப் பலத்தைப் பிரயோகிப்பதையோ அல்லது அச்சுறுத்துவதையோ ஐ.நா சாசனம் கடுமையாகத் தடைசெய்கிறது.
தாக்குதல்களை நிறுத்துதல்:
போருக்குச் சமமான இந்தத் தாக்குதல்களை உடனடியாக நிறுத்தி, பதற்றத்தைத் தணிக்குமாறு அனைத்துத் தரப்பினரையும் நான் கேட்டுக்கொள்கிறேன். இல்லையெனில், இது பிராந்தியம் முழுவதும் பெரும் மோதலுக்கு இட்டுச் சென்று, அப்பாவிப் பொதுமக்களின் உயிருக்கும் பிராந்திய ஸ்திரத்தன்மைக்கும் கடுமையான பாதிப்புகளை ஏற்படுத்தும்.
பேச்சுவார்த்தைக்கான அழைப்பு:
அனைத்துத் தரப்பினரும் உடனடியாகப் பேச்சுவார்த்தை மேசைக்குத் திரும்பி, முரண்பாடுகளைத் தீர்த்துக்கொள்ள முன்வர வேண்டும். சர்வதேச முரண்பாடுகளை ஐ.நா சாசனத்தின் வழிகாட்டல்களுக்கு அமைவாக அமைதி வழியில் தீர்ப்பதைத் தவிர, வேறு மாற்று வழிகள் எதுவும் இல்லை என்பதை மீண்டும் வலியுறுத்துகிறேன்.
சர்வதேச அமைதியையும் பாதுகாப்பையும் உறுதி செய்வதற்கான அடிப்படை அடித்தளமாக ஐ.நா சாசனம் விளங்குவதை அவர் இதன்போது சுட்டிக்காட்டியுள்ளார்.