கட்டணங்கள் 10 ரூபாவினால் அதிகரிக்கப்பட்டுள்ளன.
மேல் மாகாண வீதி பயணிகள் போக்குவரத்து அதிகாரசபை இது குறித்துத் தெரிவிக்கையில், முதலாவது கிலோமீற்றருக்கான கட்டணம் 100 ரூபாவிலிருந்து 110 ரூபா வரை அதிகரிக்கப்பட்டுள்ளதாகக் குறிப்பிட்டுள்ளது.
அதேபோல், இரண்டாவது கிலோமீற்றரில் இருந்து ஒவ்வொரு கிலோமீற்றருக்கும் வசூலிக்கப்படும் கட்டணம் 80 ரூபாவிலிருந்து 90 ரூபா வரை திருத்தப்பட்டுள்ளது.
450 கிராம் பாண் ஒன்றின் விலை 10 ரூபாவினால் உயர்வு
இதேவேளை, நாட்டில் நிலவும் தற்போதைய சூழ்நிலையைக் கருத்திற்கொண்டு, பாண் உள்ளிட்ட அனைத்து வெதுப்பக (பேக்கரி) உற்பத்திகளின் விலைகளையும் இன்று நள்ளிரவு முதல் 10 ரூபாவினால் அதிகரிப்பதாக அகில இலங்கை பேக்கரி உரிமையாளர்கள் சங்கம் தெரிவித்துள்ளது.
இதன்படி, 450 கிராம் பாண் ஒன்றின் விலை 10 ரூபாவினால் அதிகரிக்கப்பட்டுள்ளதோடு, ஏனைய பேக்கரி உற்பத்திப் பொருட்களின் விலைகளும் தலா 10 ரூபாவினால் உயர்த்தப்பட்டுள்ளன.
எரிசக்தி நெருக்கடியில் இருந்து எந்த நாடும் தப்ப முடியாது
மத்திய கிழக்கில் நிலவும் போர்ச் சூழல் நீடித்தால், உலகின் எந்தவொரு நாடும் எரிசக்தி நெருக்கடியின் (Energy Crisis) பாதிப்பிலிருந்து தப்ப முடியாது என சர்வதேச எரிசக்தி முகமையின் நிறைவேற்றுப் பணிப்பாளர் பாத்தி பிரோல் (Fatih Birol) எச்சரித்துள்ளார்.
உலகப் பொருளாதாரம் தற்போது மிகப்பெரிய அச்சுறுத்தலை எதிர்நோக்கியுள்ளதாக அவர் சுட்டிக்காட்டியுள்ளார்.
-
நெருக்கடிகளின் ஒப்பீடு: 1970-களில் ஏற்பட்ட எண்ணெய் நெருக்கடிகள் மற்றும் 2022 ரஷ்ய-உக்ரைன் போரின் தாக்கத்தை தற்போதைய சூழலுடன் அவர் ஒப்பிட்டுள்ளார். இன்றைய நிலைமையை 'இரண்டு எண்ணெய் நெருக்கடிகள் மற்றும் ஒரு எரிவாயு வீழ்ச்சியின் சங்கமம்' என அவர் விவரித்துள்ளார்.
-
கூட்டு முயற்சி: இந்த நெருக்கடி தொடர்ந்தால் பாதிப்புகள் தவிர்க்க முடியாதவை என்பதால், சர்வதேச ரீதியில் ஒரு கூட்டு முயற்சி (Global Collective Effort) அவசியம் என அவர் வலியுறுத்தினார்.
-
சேத விபரங்கள்: மோதல்கள் காரணமாக பிராந்தியம் முழுவதும் குறைந்தது 40 எரிசக்தி நிலையங்கள் கடுமையாக சேதமடைந்துள்ளதாக அவர் தெரிவித்தார்.
-
விநியோகத் தடை: போர் காரணமாக ஈரான் ஹார்முஸ் நீரிணையை (Strait of Hormuz) மூடியுள்ளதால், உலகிற்கு ஒரு நாளைக்கு சுமார் 11 மில்லியன் பீப்பாய் கச்சா எண்ணெய் இழப்பு ஏற்படுவதாக அவர் சுட்டிக்காட்டினார்.