ஞானசாரதேரர் ஜனாதிபதி செயலாளருக்கு எழுதியுள்ள கடிதத்தில் இவ்வாறு தெரிவித்துள்ளார்.
ஈஸ்டர் தாக்குதல்கள் தொடர்பான ஜனாதிபதி விசாரணை ஆணைக்குழுவின் அறிக்கையின் நகலை வழங்குமாறு அந்த கடிதத்தில் ஜனாதிபதி செயலாளரிடம் கோரப்பட்டுள்ளது.
ஏப்ரல் 21, 2019 அன்று ஈஸ்டர் ஞாயிறு பயங்கரவாதத் தாக்குதல்கள் தொடர்பான ஜனாதிபதி விசாரணை ஆணைக்குழுவின் இறுதி அறிக்கை பெப்ரவரி 1 ம் திகதி ஜனாதிபதி கோட்டாபய ராஜபக்ஷவிடம் ஒப்படைக்கப்பட்டது, மேலும் அந்த அறிக்கை பொது பல சேனா மற்றும் அதன் பொதுச் செயலாளர் கலகொட அத்தே ஞானசர தேரர் ஆகியோர் மீதும் குற்றம் சாட்டப்பட்டுள்ளது. ஊடக அறிக்கையின்படி, குற்றச்சாட்டுகளை தாக்கல் செய்ய பரிந்துரை செய்யப்பட்டுள்ளது.
நேற்று (பிப். 12) The Morning செய்தித்தாளில் இது தலைப்புச் செய்தியாக வெளிவந்தது
ஆணைக்குழு 214 நாட்களில் 457 பேரிடமிருந்து ஆதாரங்களை பதிவு செய்தது. இறுதி அறிக்கை கடந்த முதலாம் திகதி ஜனாதிபதியிடம் ஒப்படைக்கப்பட்டது.
ஆணைக்குழுவின் அறிக்கை அதன் தலைமை நீதிபதியால் மட்டுமே ஜனாதிபதியிடம் சமர்ப்பிக்கப்பட்டுள்ளது. இந்த பதவியை விட்டு வெளியேறிய பிறகு அவர் என்ன செய்வார் என்பது இந்த நேரத்தில் தெரியவில்லை.
இத்தகைய சூழ்நிலையில், பிபிஎஸ் ஜனாதிபதியின் செயலாளருக்கு அனுப்பிய கடிதத்தில், தனது அமைப்பு தொடர்பாக ஊடகங்களில் வெளிவந்துள்ள செய்தி என்று கூறி சில உண்மைகளை வெளியிடுவதன் மூலம் இந்த அமைப்பு கடுமையான அநீதிக்கு உள்ளாகியுள்ளது என்று கூறுகிறது.
ஆணைக்குழுவின் அறிக்கைதொடர்பாக The Morning செய்தித்தால் வெளியிட்ட செய்தியை அடுத்து பொதுமக்கள் குழப்படைந்துள்ளதாக தெரிவித்துள்ள பொதுபலசேனா அமைப்பு இந்த செய்தி உண்மையா இல்லையா என்பதை அதிகாரப்பூர்வமாகத் தெரியப்படுத்த வேண்டும் என்றுஅந்தக் கடிதத்தில் குறிப்பிட்டுள்ளது.
எனவே, இந்த அறிக்கையின் நகலை சீக்கிரம் தனது அமைப்புக்கு கையளிக்குமாறும் தாமதமாகுமானால், செய்தித்தாளில் வெளிவந்துள்ள செய்தி உண்மையா இல்லையா என்பதை மட்டும் குறிப்பிடவும் என பொது பலசேனா ஜனாதிபதியின் செயலாளரைக் கேட்டுள்ளது.