அநுர குமார திஸாநாயக்க மற்றும் கட்டார் நாட்டின் அமீர் ஷேக் தமீம் பின் ஹமாத் அல்-தானி (Sheikh Tamim bin Hamad Al Thani) ஆகியோருக்கு இடையில் விசேட தொலைபேசி உரையாடலொன்று இடம்பெற்றுள்ளதாக சர்வதேச ஊடகங்கள் செய்தி வெளியிட்டுள்ளன.
இந்த உரையாடலின் போது தற்போதைய நெருக்கடி நிலை குறித்து இரு தலைவர்களும் விரிவாகக் கலந்துரையாடியதுடன், கட்டார் நாடு எதிர்நோக்கியுள்ள சவாலான தருணத்தில் இலங்கையின் ஒத்துழைப்பையும் ஜனாதிபதி அமீரிடம் வெளிப்படுத்தியுள்ளார்.
கட்டார் அமீர் வழங்கிய இரண்டு முக்கிய உறுதிமொழிகள்:
-
இலங்கையர்களின் பாதுகாப்பு: கட்டாரில் வசிக்கும் இலங்கைத் தொழிலாளர்கள் மற்றும் குடியிருப்பாளர்களின் நலன்புரி மற்றும் பாதுகாப்பு குறித்து கட்டார் அமீர் ஜனாதிபதிக்கு உறுதி அளித்துள்ளார்.
-
தடையற்ற எரிபொருள் விநியோகம்: தற்போதைய மோதல் சூழலிலும் இலங்கைக்கு நிலையான முறையில் எரிபொருள் விநியோகத்தைத் தொடர்ச்சியாக முன்னெடுப்பதற்கு கட்டார் அர்ப்பணிப்புடன் இருப்பதாக அவர் மேலும் தெரிவித்துள்ளார்.
மத்திய கிழக்கு பிராந்தியத்தின் தற்போதைய ஸ்திரமற்ற நிலைமைக்கு மத்தியிலும், இலங்கையின் எரிசக்தி பாதுகாப்பிற்கு கட்டார் வழங்கிய இந்த உறுதிமொழி மிக முக்கியமானதாகக் கருதப்படுகிறது.