செய்யப்பட்டமைக்குப் பழிவாங்கும் வகையில், இஸ்ரேலின் டெல் அவிவ் (Tel Aviv) நகரை இலக்கு வைத்து ஈரான் கிளஸ்டர் (Cluster) ரக ஏவுகணைத் தாக்குதல்களை நடத்தியுள்ளதாக ஈரானிய அரச ஊடகம் இன்று (18) உறுதிப்படுத்தியுள்ளது.
பரந்த பரப்பளவில் வெடித்துச் சிதறக்கூடிய இந்த ஆபத்தான ஏவுகணைத் தாக்குதலில், டெல் அவிவ் நகரில் இருவர் உயிரிழந்துள்ளனர். இதன் மூலம் இஸ்ரேல் தரப்பில் உயிரிழந்தவர்களின் எண்ணிக்கை 14 ஆக அதிகரித்துள்ளது.
முக்கிய போர் நிலவரங்கள்:
-
அணுமின் நிலையத்திற்கு அருகில் தாக்குதல்: ஈரானின் புஷெர் (Bushehr) அணுமின் நிலையத்திற்கு அருகில் ஏவுகணை ஒன்று வீழ்ந்து வெடித்துள்ளது. எனினும், அங்கு சேதங்களோ உயிரிழப்புகளோ ஏற்படவில்லை என ஈரான் சர்வதேச அணுசக்தி முகமையகத்திற்கு (IAEA) அறிவித்துள்ளது.
-
ஈரானில் பாரிய உயிரிழப்புகள்: கடந்த பிப்ரவரி இறுதியில் போர் ஆரம்பித்தது முதல் ஈரானில் 3,000 க்கும் அதிகமானோர் கொல்லப்பட்டுள்ளதாக மனித உரிமைகள் அமைப்புகள் தெரிவிக்கின்றன. லெபனானில் இஸ்ரேல் நடத்திய தாக்குதல்களில் 900 க்கும் மேற்பட்டோர் உயிரிழந்துள்ளனர்.
-
புதிய அதியுயர் தலைவர்: ஈரானின் புதிய அதியுயர் தலைவராகப் பொறுப்பேற்றுள்ள மொஜ்தபா கமேனி (Mojtaba Khamenei), அமெரிக்காவுடனான போர் நிறுத்தப் பேச்சுகளை நிராகரித்துள்ளார். "அமெரிக்காவும் இஸ்ரேலும் மண்டியிட்டுத் தோல்வியை ஒப்புக்கொள்ளும் வரை அமைதிக்கு இடமில்லை" என அவர் தெரிவித்துள்ளார்.
சர்வதேச தாக்கம் மற்றும் எரிசக்தி நெருக்கடி:
-
ஹார்முஸ் நீரிணை மூடல்: உலக எண்ணெய் வர்த்தகத்தில் ஐந்தில் ஒரு பங்கு நடைபெறும் ஹார்முஸ் நீரிணையை (Strait of Hormuz) ஈரான் மூடியுள்ளதால், உலக சந்தையில் கச்சா எண்ணெய் விலை போர் ஆரம்பித்ததிலிருந்து 45 சதவீதத்தினால் அதிகரித்துள்ளது.
-
டொனால்ட் ட்ரம்ப்பின் சீற்றம்: எண்ணெய் விநியோகத்தைப் பாதுகாக்க இராணுவ உதவி வழங்க முன்வராத நேட்டோ (NATO) நாடுகள், ஜப்பான் සහ ஆஸ்திரேலியா ஆகிய நாடுகளை அமெரிக்க ஜனாதிபதி டொனால்ட் ட்ரம்ப் கடுமையாகச் சாடியுள்ளார். "எங்களுக்கு இனி எவருடைய உதவியும் தேவையில்லை" என அவர் சமூக வலைத்தளத்தில் பதிவிட்டுள்ளார்.
-
உலகளாவிய எச்சரிக்கை: போர் ஜூன் மாதம் வரை நீடித்தால் கோடிக்கணக்கான மக்கள் பட்டினியை எதிர்நோக்க நேரிடும் என உலக உணவுத் திட்டம் (WFP) எச்சரித்துள்ளது. வான்வெளி மூடப்பட்டுள்ளதால் சர்வதேச விமானப் போக்குவரத்துகளும் பாரிய நெருக்கடிக்குள்ளாகியுள்ளன.