புதன்கிழமை விடுமுறை அமல்; தேவைக்கேற்ப பஸ் சேவைகள் - ரயில் சேவை அட்டவணையில் மாற்றம்!

அறிவித்தல் வரை ஒவ்வொரு புதன்கிழமையும் விடுமுறை வழங்க அரசாங்கம் தீர்மானித்துள்ளது. இதன் காரணமாக பொதுப் போக்குவரத்துச் சேவைகளிலும் சில மாற்றங்கள் செய்யப்பட்டுள்ளன.

அத்தியாவசிய சேவைகள் ஆணையாளர் நாயகம் பிரபாத் சந்திரகீர்த்தி இது குறித்து வழங்கிய விபரங்கள் வருமாறு:

விடுமுறை யாருக்கு பொருந்தும்?

• கல்வி மற்றும் நீதித்துறை: பாடசாலைகள், பல்கலைக்கழகங்கள் மற்றும் நீதிமன்றங்களுக்கும் இந்த விடுமுறை பொருந்தும்.

• தனியார் கல்வி: அங்கீகரிக்கப்பட்ட தனியார் பாடசாலைகள் மற்றும் மேலதிக வகுப்புக்களுக்கும் (Tuition Classes) இன்று விடுமுறை வழங்குமாறு கோரப்பட்டுள்ளது.

• விதிவிலக்கு: சுகாதார சேவை, துறைமுகம், நீர் வழங்கல் மற்றும் மின்சாரம் போன்ற அத்தியாவசிய சேவைகளுக்கு இந்த விடுமுறை பொருந்தாது.

புகையிரதச் சேவைகள்

இன்று விசேட விடுமுறை தினம் என்பதால், சனிக்கிழமைகளில் நடைமுறையிலுள்ள புகையிரத அட்டவணையின்படி மட்டுமே புகையிரதங்கள் இயக்கப்படும் என புகையிரத திணைக்களம் அறிவித்துள்ளது.

இன்றைய சேவைகள் விபரம்:

• பிரதான வழித்தடம்: 29 பயணங்கள்

• கடலோர வழித்தடம்: 33 பயணங்கள்

• வடக்கு வழித்தடம்: 17 பயணங்கள்

• புத்தளம் வழித்தடம்: 09 பயணங்கள்

• மட்டக்களப்பு மற்றும் திருகோணமலை: 06 பயணங்கள்

• களனிவெளி வழித்தடம்: 05 பயணங்கள்

பஸ் சேவைகள் 

இலங்கை போக்குவரத்துச் சபை (LBS) நாடு தழுவிய ரீதியில் வழமையான பஸ் சேவைகளை முன்னெடுக்கத் தீர்மானித்துள்ளது. இருப்பினும், பயணிகளின் எண்ணிக்கையைக் கருத்திற்கொண்டு சில நேர அட்டவணைகளில் மாற்றங்கள் செய்யப்பட்டுள்ளன.

• தேவைக்கேற்ப சேவைகள்: பயணிகளின் தேவைக்கேற்ப மேலதிக பஸ்களை எந்த நேரத்திலும் இயக்குவதற்கு அந்தந்த சாலைகளுக்கு (Depots) அறிவுறுத்தல்கள் வழங்கப்பட்டுள்ளதாக சபையின் பேச்சாளர் ஒருவர் தெரிவித்தார்.

 

விடுமுறை தினங்களில் இயக்கப்படவுள்ள புகையிரதச் சேவைகள் குறித்த விசேட அறிவித்தலை புகையிரத திணைக்களம் வெளியிட்டுள்ளது.

பொதுமக்களின் போக்குவரத்து வசதிக்காக, பின்வரும் பிரதான வழித்தடங்களில் இயங்கும் புகையிரதங்கள் மற்றும் அவை புறப்படும் நேரங்கள் குறித்த விபரங்கள் இந்த அறிவித்தலில் உள்ளடக்கப்பட்டுள்ளன:

• பிரதான வழித்தடம் (Main Line)

• கடலோர வழித்தடம் (Coastal Line)

• மலையக வழித்தடம் (Upcountry Line)

• களனிவெளி வழித்தடம் (Kelani Valley Line)

• புத்தளம் வழித்தடம் (Puttalam Line)

• மட்டக்களப்பு / திருகோணமலை வழித்தடங்கள் (Batticaloa / Trincomalee Lines)

இந்த விசேட விடுமுறை தினங்களில் புகையிரதப் பயணங்களை மேற்கொள்ளும் பயணிகள், திணைக்களத்தினால் வெளியிடப்பட்டுள்ள புதிய நேர அட்டவணையைப் பின்பற்றுமாறு கேட்டுக்கொள்ளப்படுகிறார்கள். அத்தியாவசியத் தேவைகளுக்காகப் பயணிப்போர் அசௌகரியங்களைத் தவிர்க்கும் பொருட்டு இந்த முன்கூட்டிய அறிவித்தல் விடுக்கப்பட்டுள்ளது.