விலைகள் அதிகரிக்கக்கூடும் என வர்த்தக மற்றும் உணவுப் பாதுகாப்பு அமைச்சர் வசந்த சமரசிங்க தெரிவித்துள்ளார்.
விநியோகப் பாதைகளில் (Supply Routes) ஏற்பட்டுள்ள சிக்கல்கள் காரணமாகவே இந்த விலை உயர்வு ஏற்படக்கூடும் என அவர் சுட்டிக்காட்டினார்.
கொழும்பில் நடைபெற்ற ஊடகவியலாளர் சந்திப்பொன்றிலேயே அமைச்சர் இந்தத் தகவலை வெளியிட்டார். அங்கு அவர் மேலும் விபரிக்கையில்:
"இலங்கைக்குத் தேவையான உருளைக்கிழங்கு விநியோகத்தில் 80 சதவீதத்திற்கும் அதிகமான பகுதியையும், வெங்காய விநியோகத்தில் 80 சதவீதத்தையும் நாம் இறக்குமதி செய்கிறோம். அத்துடன், பருப்புத் தேவையின் 100 சதவீதமும் இறக்குமதியையே சார்ந்துள்ளது.
எனவே, உலகளாவிய விநியோகப் பாதைகளில் ஏற்பட்டுள்ள பாதிப்புகளால் இந்தப் பொருட்களின் விலைகள் அதிகரிக்க வாய்ப்புள்ளது. இருப்பினும், நியாயமற்ற முறையில் விலைகள் அதிகரிக்கப்படுவதைத் தடுக்க அரசாங்கம் தன்னால் இயன்றவரை நடவடிக்கை எடுக்கும்."
ஹார்முஸ் நீரிணை (Strait of Hormuz) ஊடான கப்பல் போக்குவரத்துப் பாதிப்படைந்துள்ளதால், உலக நாடுகளுக்கான எரிபொருள் மற்றும் சரக்கு விநியோகம் பாரிய அச்சுறுத்தலுக்கு உள்ளாகியுள்ளமை குறிப்பிடத்தக்கது.