இலங்கை போக்குவரத்துச் சபைக்கு (இ.போ.ச - CTB) சொந்தமான சாலைகள் (Depots) ஊடாகப் பெற்றுக்கொள்ள முடியும் என எரிசக்தி அமைச்சு அறிவித்துள்ளது.
அத்துடன், உற்பத்திப் பணிகள் மற்றும் அத்தியாவசிய சேவைகளைத் தடையின்றி முன்னெடுப்பதற்காக, சம்பந்தப்பட்ட நிறுவனங்களுடன் இணைந்து விசேட வேலைத்திட்டமொன்றின் கீழ் எரிபொருளை விநியோகிக்க நடவடிக்கை எடுக்கப்பட்டுள்ளதாகவும் அமைச்சு மேலும் குறிப்பிட்டுள்ளது.
"நாட்டைப் பற்றி சிந்தித்து செயற்படுங்கள்" - அமைச்சர் நலிந்த ஜயதிஸ்ஸ
மொரட்டுவைப் பகுதியில் நடைபெற்ற நிகழ்வொன்றில் கலந்துகொண்டு உரையாற்றிய அமைச்சர் வைத்தியர் நலிந்த ஜயதிஸ்ஸ, தற்போதைய இக்கட்டான சூழலில் பொதுமக்கள் தேவையற்ற பயணங்களைத் தவிர்க்குமாறு கேட்டுக்கொண்டார்.
அவர் மேலும் தெரிவிக்கையில்:
"இந்த நேரத்தில் முழு நாட்டு மக்களிடமும் அரசாங்கம் என்ற ரீதியில் நான் விடுக்கும் வேண்டுகோள் இதுதான்; உங்கள் குடும்பத்தைப் பற்றி மாத்திரம் சிந்திக்காமல், நாட்டைப் பற்றியும் சற்று சிந்தியுங்கள்.
"எனவே, எரிபொருள் பாவனையை இயன்றளவு மட்டுப்படுத்திக் கொள்ளுங்கள். வீட்டில் எரிபொருள் கையிருப்பில் உள்ளது என்பதற்காகத் தேவையில்லாமல் வாகனங்களை ஓட்டாமல், அதனை முறையாக முகாமைத்துவம் செய்யுங்கள்."
மத்திய கிழக்கில் நிலவும் போர் பதற்றம் காரணமாக உலகளாவிய ரீதியில் எரிபொருள் விநியோகம் பாதிக்கப்பட்டுள்ள நிலையிலேயே, இலங்கையிலும் இந்த மட்டுப்பாடுகள் மற்றும் சிக்கன நடவடிக்கைகள் முன்னெடுக்கப்பட்டு வருகின்றன.