தொடரும் சமையல் எரிவாயு தட்டுப்பாடு: நுகர்வோர் பெரும் பாதிப்பு!

விசனம் தெரிவித்துள்ளனர்.

குறிப்பாக லாப் எரிவாயு சிலிண்டர்களுக்கு நீண்டகாலமாக நிலவி வரும் தட்டுப்பாடு மேலும் அதிகரித்துள்ள அதேவேளை, தற்போது லிட்ரோ எரிவாயுவையும் பெற்றுக்கொள்வது கடினமாக உள்ளதாகப் பொதுமக்கள் சுட்டிக்காட்டுகின்றனர்.

கொழும்பு, கம்பஹா, களுத்துறை, கண்டி, குருணாகல் மற்றும் இரத்தினபுரி ஆகிய மாவட்டங்களிலேயே இந்தத் தட்டுப்பாடு மிக உக்கிரமாக உள்ளதாகத் தெரிவிக்கப்படுகிறது.

நிறுவனங்களின் விளக்கம்

இது குறித்து லிட்ரோ மற்றும் லாப் எரிவாயு நிறுவனங்களின் உயர் அதிகாரிகளிடம் வினவியபோது, அவர்கள் பின்வருமாறு தெரிவித்தனர்:

"நாங்கள் ஊர்ஜிதம் செய்துள்ள எரிவாயு கையிருப்புகள் தற்போது நாட்டை வந்தடைந்த வண்ணம் உள்ளன. இருப்பினும், எதிர்காலத்தில் தட்டுப்பாடு ஏற்படலாம் என்ற அச்சத்தில் பொதுமக்கள் தேவையைக் காட்டிலும் அதிகப்படியான சிலிண்டர்களைக் கொள்வனவு செய்ய (Panic Buying) முற்படுவதாலேயே சில பகுதிகளில் இந்தத் தட்டுப்பாடு ஏற்பட்டுள்ளது."

தட்டுப்பாடு தீவிரமடையக் காரணம்

தற்போது பெரும்பாலான வீடுகள், உணவகங்கள் மற்றும் விடுதிகளில் லிட்ரோ மற்றும் லாப் ஆகிய இரண்டு வகை சிலிண்டர்களும் கையிருப்பில் உள்ளன.

விநியோகம் சீரற்றதாக உள்ள நிலையில், வாடிக்கையாளர்கள் தமக்குக் கிடைக்கும் எந்தவொரு நிறுவனத்தின் எரிவாயுவையும் ஒரே நேரத்தில் கொள்வனவு செய்ய முயற்சிப்பதன் காரணமாகவே இந்த நெருக்கடி நிலை மேலும் தீவிரமடைந்துள்ளதாக நிறுவன அதிகாரிகள் மேலும் சுட்டிக்காட்டினர்.