ஒப்படைக்குமாறு காலி மேலதிக நீதவான் உத்தரவிட்டுள்ளார்.
தற்போது காலி தேசிய வைத்தியசாலையின் இரண்டு நடமாடும் குளிரூட்டி அறைகளில் வைக்கப்பட்டுள்ள இந்தச் சடலங்களை, ஈரான் தூதரக அதிகாரிகளிடம் ஒப்படைக்குமாறு காலி பிரதான நீதவான் சமீர தொடங்கொட, வைத்தியசாலை பணிப்பாளருக்கு இன்று (11) முற்பகல் உத்தரவு பிறப்பித்துள்ளார்.
காலி துறைமுகப் பொலிஸாரால் காலி பிரதான நீதவான் நீதிமன்றத்தில் முன்வைக்கப்பட்ட கோரிக்கைக்கு அமைவாகவே நீதவான் இந்த உத்தரவை பிறப்பித்துள்ளார்.
இலங்கை கடற்பரப்பிற்கு அப்பால் அமெரிக்காவினால் தாக்கப்பட்டு மூழ்கடிக்கப்பட்ட 'ஐ.ஆர்.ஐ.எஸ் டெனா' (IRIS Dena) போர்க்கப்பலில் பலியான மாலுமிகளின் சடலங்கள் விரைவில் ஈரானுக்குக் கொண்டு செல்லப்படவுள்ளன.
சர்வதேச ஊடகமான அல்-ஜசீரா மற்றும் ஃபார்ஸ் (Fars) செய்திச் சேவை என்பன வெளியிட்டுள்ள தகவல்களின்படி, உயிரிழந்த 104 பேரில் 84 பேரின் சடலங்கள் அடையாளம் காணப்பட்டுள்ளதாக ஈரானிய இராணுவத்தின் பொது மக்கள் தொடர்பு அலுவலகம் தெரிவித்துள்ளது.
அடையாளம் காணப்பட்ட இந்தச் சடலங்கள் விரைவில் ஈரானுக்குக் கொண்டு செல்லப்படவுள்ளதாக அந்த அறிக்கையில் குறிப்பிடப்பட்டுள்ளது.
ஈரானிய வெளிவிவகார அமைச்சு மற்றும் இலங்கை அரசாங்கத்தின் ஒத்துழைப்புடன் இந்தச் சடலங்களை மீண்டும் தாயகத்திற்கு அனுப்பும் (Repatriation) நடவடிக்கைகள் முன்னெடுக்கப்பட்டு வருவதாகவும் அந்தச் செய்திக் குறிப்பில் மேலும் தெரிவிக்கப்பட்டுள்ளது.