கடமையை தவறும் மின்சாரசபை ஊழியர்களுக்கு எதிராக ஒழுக்காற்று நடவடிக்கை: புதிய நிறுவனங்கள் எச்சரிக்கை!

அறிவுறுத்தல் விடுக்கப்பட்டுள்ளது.

இலெக்ட்ரிசிட்டி டிஸ்ட்ரிபியூஷன் லங்கா பிரைவேட் லிமிட்டட் (Electricity Distribution Lanka Pvt Ltd) மற்றும் தேசிய பரிமாற்றக் கட்டமைப்பு சேவை வழங்கல் நிறுவனம் (National Transmission Network Service Provider Pvt Ltd) ஆகிய நிறுவனங்களே இந்த அறிவித்தலை விடுத்துள்ளன.

மின்சார விநியோகத்துடன் தொடர்புடைய அனைத்து சேவைகளும் அத்தியாவசிய சேவைகளாக வர்த்தமானி மூலம் பிரகடனப்படுத்தப்பட்டுள்ள நிலையில், அந்த சேவைகளை எவ்வித இடையூறுமின்றி தொடர்ச்சியாக முன்னெடுக்குமாறு ஊழியர்களுக்குத் தெரிவிக்கப்பட்டுள்ளது.

இவ்வாறு தமது கடமைகளைச் செய்யத் தவறுவது, அத்தியாவசிய சேவை விதிமுறைகளின் கீழ் பாரதூரமான குற்றமாகக் கருதப்படும் என அந்த நிறுவனங்கள் சுட்டிக்காட்டியுள்ளன. இதற்காக ஒழுக்காற்று நடவடிக்கைகளை எடுக்க நேரிடும் என்பதால், மின்சார விநியோக சேவையில் தமக்கு வழங்கப்பட்டுள்ள கடமைகளை உடனடியாக நிறைவேற்றுமாறு ஊழியர்கள் கேட்டுக்கொள்ளப்பட்டுள்ளனர்.

அனைத்து ஊழியர்களுக்குமான நியமனக் கடிதங்களை வழங்கும் பணிகள் தற்போது முன்னெடுக்கப்பட்டு வருவதாகவும், எதிர்காலத்தில் அவை கையளிக்கப்படும் என்றும் அந்த அறிக்கையில் மேலும் குறிப்பிடப்பட்டுள்ளது.