இஸ்ரேல் வாழ் இலங்கையர்களுக்கு விடுக்கப்பட்டுள்ள அவசர எச்சரிக்கை!

விடயத்தில் மேலதிக அவதானத்துடன் இருக்குமாறு இஸ்ரேலுக்கான இலங்கை தூதரகம் கோரிக்கை விடுத்துள்ளது.

இஸ்ரேலுக்கான இலங்கை தூதுவர் நிமல் பண்டார இது குறித்து கருத்துத் தெரிவிக்கையில்;

"ஹிஸ்புல்லா அமைப்பினால் இஸ்ரேலின் வடக்கு பிராந்தியத்தை இலக்கு வைத்து மேற்கொள்ளப்படும் ஏவுகணைத் தாக்குதல்கள் அதிகரித்துள்ளமை அவதானிக்கப்பட்டுள்ளது. எனவே, இப்பகுதிகளில் உள்ள இலங்கையர்கள் மிகுந்த எச்சரிக்கையுடன் செயற்பட வேண்டும்."

அவதானம் செலுத்த வேண்டிய முக்கிய பகுதிகள்:

ஹைபா (Haifa), நஹாரியா (Nahariya), அக்கோ (Akko), கலிலி (Galilee), அபுலா (Afula), கார்மல் மலைத்தொடர் (Carmel), நசரேத் (Nazareth) மற்றும் திபேரியா (Tiberias) உள்ளிட்ட வடக்கு பிராந்தியங்களில் வசிக்கும் இலங்கையர்கள், லெபனான் எல்லையிலிருந்து ஏவப்படக்கூடிய ஏவுகணைகள் மற்றும் உள்நாட்டில் ஏற்படக்கூடிய அசம்பாவிதங்கள் குறித்து விழிப்புடன் இருக்குமாறு அறிவுறுத்தப்பட்டுள்ளனர்.

வடக்கு இஸ்ரேலில் சுமார் 9,000க்கும் அதிகமான இலங்கையர்கள் பணியாற்றி வருகின்றனர். இவர்கள் அனைவரும் இஸ்ரேலிய பாதுகாப்புப் படைகள், அரச ஊடகங்கள், PIBA நிறுவனம் மற்றும் இலங்கை தூதரகம் வழங்கும் பாதுகாப்பு வழிகாட்டல்களை உடனுக்குடன் பின்பற்றுமாறு கேட்டுக்கொள்ளப்படுகிறார்கள்.

தாக்குதல் அபாயங்களின் போது இஸ்ரேலிய அம்பியூலன்ஸ் (Ambulance) சேவைகளை இலவசமாகப் பெற்றுக்கொள்ள முடியும்.

அவசர தொடர்புகளுக்கு:

ஏதேனும் அவசர உதவி தேவைப்படின், உங்கள் இருப்பிடத்தை (Location) குறிப்பிட்டு பின்வரும் இலக்கங்களைத் தொடர்பு கொள்ளவும்:

இஸ்ரேலிய அவசர முதலுதவி சேவை: 101

இலங்கை தூதரகத்தின் WhatsApp இலக்கம்: 00972-559305731
(வாரத்தின் 7 நாட்களும் 24 மணிநேரமும் தொடர்பு கொள்ளலாம்)