கேஸ் விலையும் அதிகரிக்கும் அபாயம்!

(கேஸ்) இறக்குமதி செய்வதில் சிக்கல் உருவாகக்கூடும் என லிட்ரோ (Litro Gas Lanka) மற்றும் லாஃப் (Laugfs Gas) நிறுவனங்கள் எச்சரிக்கை விடுத்துள்ளன.

இதன் விளைவாக உள்நாட்டில் எரிவாயு விலை அதிகரிக்கும் அபாயமும் நிலவுவதாக அவை தெரிவித்துள்ளன.

உருவாகும் சூழ்நிலைகளுக்கு ஏற்ப மாற்று முறைகள் மூலம் தேவையான எரிவாயுவை ஆர்டர் செய்வதற்கான நடவடிக்கைகள் கவனத்தில் கொள்ளப்பட்டுள்ளதாகவும் நிறுவனங்கள் குறிப்பிட்டுள்ளன.

இந்நிலையில், லாஃப் நிறுவனம் ஆர்டர் செய்த எரிவாயு கப்பல்கள் நாட்டை வந்தடைந்துள்ளதுடன், விநியோகம் ஆரம்பிக்கப்பட்டுள்ளதாக தெரிவிக்கப்பட்டுள்ளது.

எனினும், நாட்டின் சில பகுதிகளில் லிட்ரோ மற்றும் லாஃப் எரிவாயு பற்றாக்குறை நிலவி வருவதாகவும் தகவல்கள் வெளியாகியுள்ளன.

சர்வதேச சந்தையில் எரிவாயு விலை வேகமாக உயர்வு!

மத்திய கிழக்கு பதற்றத்திற்கு பதிலளிக்கும் வகையில், சர்வதேச சந்தைகளில் எரிவாயு விலை கடுமையாக உயர்ந்துள்ளது. ஐக்கிய இராச்சியம் நாட்டில், ஏப்ரல் மாத விநியோகத்திற்கான இயற்கை எரிவாயு விலை 42 சதவீதத்தால் உயர்ந்துள்ளதாக தெரிவிக்கப்படுகிறது.

கட்டார், உலகின் முக்கிய திரவ இயற்கை எரிவாயு (LNG) ஏற்றுமதி நாடுகளில் ஒன்றாகும். உலகளாவிய விநியோகத்தில் அதன் பங்கு சுமார் ஐந்தில் ஒரு பகுதி என மதிப்பிடப்படுகிறது. இவ்விநியோகத்தின் பெரும்பகுதி ஹோர்மூஸ் கடல்சந்தி வழியாக கடல் மார்க்கத்தில் கடத்தப்படுகிறது.

LNG உற்பத்தி தற்காலிகமாக நிறுத்தம்

இரானில் இருந்து தங்களது சில நிலையங்கள் மீது நடத்தப்பட்ட தாக்குதல்களுக்கு பின்னர், திரவ இயற்கை எரிவாயு (LNG) உற்பத்தி தற்காலிகமாக நிறுத்தப்பட்டுள்ளதாக Qatar Energy நிறுவனம் அறிவித்துள்ளது.

தாக்குதலுக்கு உள்ளான நிலையங்களில் கடற்கரை பகுதியில் அமைந்துள்ள ரஸ் லஃபான் எரிவாயு செயலாக்க மையமும், கத்தாரின் முக்கிய இயற்கை எரிவாயு உற்பத்தி மையங்களில் ஒன்றான மேசையீத் பகுதியும் அடங்குகின்றன.

அமெரிக்கா, அவுஸ்திரேலியா, ரஷ்யா மற்றும் கத்தார் ஆகியவை உலகின் முன்னணி LNG உற்பத்தி நாடுகளாகும் என்பது குறிப்பிடத்தக்கது.