போரை எவ்விதத்திலும் ஆதரிக்காது என்றும் அமைச்சரவை பேச்சாளரும் அமைச்சருமான நலிந்த ஜயதிஸ்ஸ தெரிவித்தார்.
தற்போதைய நிலைமை தொடர்பாக நடத்தப்பட்ட விசேட ஊடக சந்திப்பில் உரையாற்றிய அவர், சம்பந்தப்பட்ட அனைத்து தரப்புகளும் உடனடியாக மோதல்களை நிறுத்தி, உலக அமைதியை உறுதி செய்யும் நோக்கில் செயல்பட வேண்டும் என அரசாங்கம் வலியுறுத்தியுள்ளதாக கூறினார்.
“மத்திய கிழக்கு உலகின் முக்கிய பிராந்தியமாகும். அது எங்கள் பொருளாதாரத்துடன் நேரடியாக தொடர்புடையது. அந்தப் பகுதி பாதிக்கப்படக் கூடாது,” என அவர் தெரிவித்தார்.
தற்போது மத்திய கிழக்கு நாடுகளில் சுமார் 10 இலட்சம் இலங்கையர்கள் வெளிநாட்டு தொழிலாளர்களாக பணியாற்றி வருவதாகவும், அப்பகுதிகளில் உள்ள இலங்கை தூதரகங்கள் நிலைமையை உன்னிப்பாக கண்காணித்து, தேவையான உதவிகளை வழங்கி வருவதாகவும் அவர் கூறினார்.
தற்போதைய சூழ்நிலையில் பெரும்பாலான விமான நிலையங்கள் மூடப்பட்டுள்ளதால், உடனடி வெளியேற்ற நடவடிக்கை மேற்கொள்வது சாத்தியமில்லை என்றும் அவர் தெரிவித்தார்.
இதனிடையே, தூதரக சேவைகள் மற்றும் அவசர உதவிகளுக்காக பொதுமக்கள் தொடர்பு கொள்ளக்கூடிய தொலைபேசி இலக்கங்களை அரசாங்கம் அறிவித்துள்ளது:
வெளிவிவகார அமைச்சு: 0094 742595546
வெளிநாட்டு வேலைவாய்ப்பு பணியகம் (SLBFE): 0094 719802822
ஹாட்லைன்: 1989
இதற்கிடையில், தற்போது இலங்கையில் தங்கியிருக்கும் வெளிநாட்டு பயணிகளுக்கான விசாக்களை கட்டணமின்றி இரண்டு வாரங்களுக்கு நீட்டிக்க அரசாங்கம் தீர்மானித்துள்ளது. இந்த நீட்டிப்பு 14 நாட்களுக்கு அமல்படுத்தப்படும் என்றும், நிலைமைக்கு ஏற்ப இத்தீர்மானம் மீளாய்வு செய்யப்படும் என்றும் நலிந்த ஜயதிஸ்ஸ தெரிவித்தார்.
மேலும், தங்களது நாடுகளுக்கு திரும்ப விரும்பும் பயணிகளுக்காக மாற்று விமானப் பாதைகளை அமைப்பது குறித்தும் அரசாங்கம் ஆராய்ந்து வருவதாக அவர் கூறினார்.